كتب مصطفي عبده  :

أهل الحب صحيح مساكين

اسمحوا لي أن أتكلم بالعاميه ….

اولا حابب أوضح مفهوم الحب من وجهة نظرى البسيطه هو باختصار رمانة

الميزان

يعني ايه رمانة الميزان …

يعني بنقيس عليه كل خطوات حياتنا بكل ما فيها

يعني بنتعامل مع حد بنحبه بيبقي تعاملنا غير مانتعامل مع حد مابنحبوش حتي لو

كانوا بيقدموا نفس الخدمه أو نفس القرابه او زميل العمل أو جار أو خلافه المعني

أن لو شخصين في نفس المكان والمكانه بس حد بنحبه وحد لا مابتبقاش المعامله وحده ..

ودا الطبيعي

وهنا بقعد مع نفسي وافكر كتير جدا ياترى الشخص اللي بحبه وبقدره دا بيبادلني

نفس الشعور أو المعامله دى بنفس مستوى الحب .. والحب هنا ممكن يجي بمعني

التقدير والاحترام وخلافه من معاني جميله ..

وياترى الشخص اللي مش بحبه دا بس مضطر اعامله هل هو بيبادلني نفس الشعر ولا لا ..

عشان كدا انا بشفق دايما علي نفسي وعلي كل من يتعامل بحب في حياته

ويسأل نفسي كتير هو ليه شعور الحب دا موجود

وليه هو ظالم في نفس الوقت لصاحبه ولغيره

وياترى احنا المفروض بنتعامل بالحب دا ولا لا

والعقل كمان بيستوحي نتايجه

من احساس الإنسان نفسه تجاه اللي قدامه

يعني لو قولت انا بحب فلان أو بكرهه

وهعمله بالعقل وبس هتعامله بناء علي الفكر

اللي وصل عقلك من حبك أو كرهك تجاهه

وعامة هي الدنيا كدا بنتعامل بحب وكره وعقل واهي ماشيه

عشان كدا بقول أهل الحب صحيح مساكين …

وانتظروا سلسلة روايات اهل الحب صحيح مساكين

مصطفي عبده