مع شاف عمر 🇹🇳🇹🇳🇹🇳👨‍🍳

مساء الورد على جميع متابعينا الكرام خبزة الدرع اللذيذة و الرائعة و منفعتها الصحية التي لا تحصى و لا تعد تحية مني انا الشاف عمر 👨‍🍳 لكل مرا مقدية 

✅ المقادير :

– 200غ درع 

– 100غ فارينة

– 100غ سكر

– باكو خميرة ڤاطو

– باكو فانيليا او قشور ليم

– 100مل حليب

– 100مل زيت زيتونة

– 100غ لوز و جلجلان

– 5 بيضات.  

✅ الطريقة :

تخلط الفارينة و درع بن القايد حسين الاصلي و الخميرة مع بعضهم و اتحطهم على جنب

و فى صحفة اتحط البيض و السكر و اتركضهم بالباهى لين تتحصل على خليط ابيض

و اتزيد الزيت و اتركض و بعد اتزيد الحليب و اتركض و اتزيد الفانيليا او قشور البرتقال

و اتصب الخليط هذا على الفارينة و الدرع و اتحرك لين يتجانسو و بعد اتزيد الجلجلان و اللوز المرحى

و تاخذ طبق تدهنو بالزبدة و تعمل رشة فارينة و اتصب الخليط و اترش من فوق اللوز المهروش

و ادخلها للفور 160درجة نصف ساعة و بعد ما تبرد اتقصها و اتقدمها 

صحة و بالشفاء.

شاف عمر 🇹🇳🇹🇳🇹🇳🇹🇳🇹🇳🇹🇳✌🇹🇳🇹🇳