طريقه عمل الكحك الناعم
roqyah2010@gmail.com
2 دقيقة قراءة
17 مشاهدة
روتانا نيوز
مقدم من الشيف/ عبير سيد
المقادير
كيلو دقيق
600جرام سمنه
2معلقه كبيره لبن بودره
2معلقه كبيره سمسم محمص
2معلقه كبيره سكر
معلقه كبيره بيكنج بودر
معلقه كبيره خميره فوريه
معلقه كبيره ريحه كحك
ربع معلقه صغيره ملح
كوب ماء 200مل
الطريقه
اول جاحه نضيف الخميره والسكر على كوب الماء ونسبهم لحد ماحجمها يرتفع
نحضر طبق كبير وننزل بالدقيق واللبن البودره والسمسم المحمص وريحه الكحك والملح ونقلبهم مع بعض كويس ونبتدى ننزل بالسمنه ونبسه بايدنا كويس جدا لمده 10دقايق او اكتر مهمه جدا عمليه البس هى اللى بتخلى الكحك يطلع ناعم جدا بعد كده ننزل بكوب المياه والخميره شويه بشويه لحد ما العجينه تلم معانا نغطيه ونسيبه حوالى 10دقايق يرتاح علشان الكحك مش بيختمر
نسخن الفرن كويس جدا جدا ونجهز الصاجات ونبتدى نشكل الكحك ونحشيه بالعجوه او بالملبن وعين الجمل ونرصه فى الصاجات ونبصمه بالبصامه بتاعه الكحك او تنقشيه بالمنقاش بعد كده ندخله الفرن فى الرف الوسطانى على نار وسط ونشغل الشوايه على الهادى جدا لمده 20دقيقه او اول ما يوصل الوش للون الذهبى نخرجه من الفرن
ملاحظه
نار الفرن ما تكونش عاليه قوى علشان ما يحمرش من تحت وينشف معاكى
للحشو
125 جرام عجوه مفرومه ناعم *معلقه صغيره سمنه
نعجنهم مع بعض كويس جدا ونكورهم كور صغيره
125 جرام ملبن *معلقه صغيره سمنه *2معلقه كبيره عين جمل مجروش خشن نعجنهم مع بعض كويس جدا ممكن تكوريه كور صغيره او تسبيه كده وتحشى بيه عادى
