مقدم من الشيف/ عبير سيد

مده التحضير :20دقيقه

مده الطهى :15دقيقه

المقادير

2كوب ونصف دقيق وممكن يزيد لو العجينه احتاجت

كوب ذبده

كوب سكر بودره

2بيضه

2كيس فانيليا او معلقه صغيره

معلقه صغيره بكنج بودر

ربع معلقه صغيره بكنج صودا (كربوناتو)

نصف كوب صغير شوكليت شيبس

معلقه كبيره كاكاو خام اسبانى

الطريقه

نضرب الذبده مع السكر البودره كويس جدا بالمضرب الكهربائى لحد ما لون الذبده يبقى ابيض بعد كده نضيف البيض والفانيليا ونستمر فى الضرب

لمده دقيقتين بعده كده نضيف الدقيق والبكنج بودر والبكنج صودا وناخد معلقتين من الدقيق ونشيلهم على جنب

ونقلب كله مع بعضه بايدينا كويس نقسم العجينه نصفين ناخد النصف الاول ونضيف عليه معلقتين الدقيق ونقلب كويس

لحد ما العجينه تلم معانا ولو العجينه احتاجت دقيق نزود

اما النصف التانى هنضيف عليه معلقه الكاكاو الخام ونقلبه مع العجينه كويس ولو العجينه احتاجت دقيق نزود لحد ما تلم معانا بعد كده ناخد نصف الشوكليت شيبس ونضيفه على العجينه البيضه واللى بالكاكاو ونقلب كويس بعد كده نبتدى نشكل الكوكيز ونزينه بباقى الشوكليت شيبس ونرصه فى الصاج ونفرش فى الصاج ورقه من الذبده بعد التشكيل ندخله الفرن ساخن مسبقا لمده 15دقيقه واول ما يوصل للون الذهبى من تحت نشغل الشوايه على الهادى ياخد لون ذهبى فاتح من فوق