شيف/ هيام سيد

مدة التحضير / ١٥ دقيقه ……. مدة الطهي / ١٥ دقيقه

المقادير / كوب دقيق / كوب لبن / ٢ بيضه / رشة ملح / عصاج لحمه مفرومه او فراخ او ميكس جبن او سجق بلدي / جبنه رومي مبشوره / صلصة طماطم .

الطريقه /

نحضر العجينه السايله الي هو الكانيلوني نضع الدقيق مع رشة الملح وعليه اللبن والبيض ونضرب البيض الاول وعليه رشة فلفل اسود مع رشة ملح علشان الزفاره ونضعه على الدقيق باللبن ونخلطهم جيدا بالمضرب الكهربائي حتى تصبح عجينه خفيفه وبدون اي تكتولات ونضعها في الثلاجه لمدة ساعه حتى تعطينا نتيجه احسن وفي الوقت دا نجهز الحشو الي نحبه مثلا بالحمه المفرومه نعصجها علشان تبرد ونضعها حشو للكانيلوني وبعد كده نحضر عجينة الكانيلوني من الثلاجه ونقلبها كويس جدا ثم نحضر طاسه تيفال وندهنها بنقطة زيت ونضعها على النار حتى تسخن ونضعه كبشه واحده من العجينه السايله ونوزعها في الطاسه كلها مثل الكرب واول ما تحمر خفيف من تحت نقلبها على الوجه التاني ونكرر الطريقه لغايت الكميه كلها ماتخلص ثم نحشيها ونلفها رول ونضعها في صينيه وندهنها بالصلصا ونرش على الصلصا الجبنه الرومي المبشوره وتدخل الافرن

على حراره ٢٠٠ درجه لمدة ١٠ دقائق .. وبألف هنا عليكم

مع تحياتي الشيف // هيام سيد