البسكوت بالزبده

بالفانيليا والكاكاو

مده التحضير : 30 دقيقه

مده التسويه : 20 دقيقه

مقدمة من الشيف: عبير سيد

المقادير :

500 جرام دقيق

250 جرام زبده

50 جرام سمنه

200جرام سكر بودره

3بيضات

معلقه صغيره فانيليا

2معلقه كبيره كاكاو خام اسبانى

الطريقه

نحضر طبق وننزل بالزبده والسمنه والسكر البودره ونضربهم مع بعض كويس جدا بالمضرب الكهربائي لحد الزبده ما يبقى لونها ابيض بعد كده ننزل بالبيض والفانيليا ونضربهم مع بعض كويس لمده دقيقتين نقسم الخليط نصفين بالتساوى

ننخل الدقيق ونقسمه نصفين بالتساوى يعنى 250 جرام فى كل طبق نضيف جزء من الخليط على الدقيق اللى بالفانيليا ونقلبهم مع بعض كويس لحد ما العجينه تبطل تلزق فى ايدك ولو احتجنا دقيق نزود شويه بشوبه صغرين

اما اللى بالكاكاو هناخد معلقه كبيره من الدقيق ونضيف مكانها معلقتين كبار كاكاو خام اسبانى ونقلبهم مع بعض لحد ما العجينه تبطل تلزق فى ايدك ولو العجينه لسه بلزق فى ايدك ضيفى كاكاو

بعد كده نبتدى نشكله وندخله الفرن ساخن مسبقا فى الرف الوسطانى على نار اقل من الوسط والشوايه وسط واول ما يوصل للون الذهبى الفاتح نخرجه من الفرن

لوهتعمليه بالكيس يبقى اشتغلى بيه على طول

لو هتعمليه بالمكنه يبقى تحطيه فى الثلاجه لمده 15 دقيقه وتاخدى منه وترجعيه تانى التلاجه

لوعايزه تعمليه بالبرتقال ضيفى على الجزء اللى بالفانيليا معلقه صغيره اسانس برتقال