اكيد زهقنا من اللحمة والفتة والفراخ طيب ايه رأيكم نضرب
كشرى بالكبده 🙈😍
مقدمة من الشيف/ شوشو عرابي
اول حاجة هنعمل الكبده الاسكندرانى فى طاسة على النار هننزل م ك سمنة +كشرى بالكبده م ص ثوم مفروم واقلب وانزل بالكبده واقلب واضيف ( م ص كسبرة + م ص كمون + عصير ليمونة كبيرة + ١/٤ م ص فلفل + م ص ملح + قرن فلفل حامى ) واقلب واطفى عليها واغطيها 👩🍳
نبدأ بقى فى تجهيزات الكشرى خلينا متفقين ان شغله كتير بس النتيجة مبهرة ومرضية ✌✌
اول حاجة هنقطع ٥ بصلات ابيض جوانح رفيعة ونضيفلهم ٢ م ك نشا ونخلطهم سوا ونقليهم فى زيت غزير سخن ونفضل نقلب اول ماتاخد اللون الدهبى الجامد ده نطفى ونصفيه فى مصفاه ونسيبه على جمب 💝
هنغسل كوب عدس بجبة ونسويه على النار فى ماء مغلى + م ص ثوم مفروم + م ص كمون + م ص ملح يادوب يستوى بنسبة ٨٠% ونطفى عليه ونصفيه ونسيبه على جمب 💝
هناخد ربع كوب زيت من اللى عملنا فيه البصل ونضيفله ٣/٤ كوب شعرية ونقلب لحد ماتاخد لون دهبى غامق نطفى عليها ونضيفلها كوب ونص رز مصرى وملح + مكعب مرقة + كوب ونص ماء مغلى واول مايشرب المايه نهدى النار ونسيبه يكمل سواه 👌
هنسلق كوب مكرونة صغيرة ونص كوب مكرونة اسباجتى فى مايه وملح✌
صلصة الكشرى
بقى ودى اهم حاجة ( ربع كوب من زيت البصل نضيفله م ك ثوم مفروم + م ص كسبرة + كوب صلصة بوريه ونقلب + ملح + ربع كوب ماء ونقلب لحد ماتتسبك👍
الدقة ( كوب ماء مغلى + ١/٢ م ص كمون + ١/٢ م ص كسبرة + م ص ملح + ٨ م ك خل + عصير ليمونة ) هنقلب كل المكونات ونظبط الطعم حسب ذوقنا👍
كده الطبق اصبحت مكوناته جاهزة هظبطه زى الجاهز بالظبط ويتقدم وبالهنا والشفا🙈😋
بالنسبة للحمص جبته معلب جاهز والشطة معملتهاش لان محدش بيحبها عندنا 🤩
