الكحك على البارد

مده التحضير :40 دقيقه

مده التسويه :20دقيقه

مقدمة من الشيف/عبير سيد

المقادير

كيلو دقيق

600جرام سمنه

2معلقه كبيره لبن بودره

2معلقه كبيره سمسم محمص

2معلقه كبيره سكر

نصف معلقه صغيره بكنج بودر

معلقه كبيره خميره فوريه (١١ جرام)

معلقه صغيره ريحه كحك

رشه ملح

من نصف كوب لكوب ماء دافئ على حسب العجينه ما تحتاج

الكوب 200 مل

الطريقه

اول جاحه نضيف الخميره والسكر فى الميه ونسبهم لحد ما حجمها يرتفع

نحضر طبق كبير وننزل بالدقيق واللبن والبودره والسمسم المحمص وريحه الكحك والبكنج بودر والملح ونقلبهم مع بعض كويس

ونبتدى ننزل بالسمنه ونبسه بايدنا كويس جدا لمده 10دقايق او اكتر مهمه جدا عمليه البس هى اللى بتخلى الكحك يطلع ناعم جدا بعد كده ننزل بكوب الميه والخميره شويه بشويه لحد ما العجينه تلم معانا نغطيه ونسيبه حوالى 30 دقيقه يرتاح علشان الكحك مش بيخمر

نسخن الفرن كويس جدا ونجهز الصاجات ونبتدى نشكل الكحك ونحشيه بالعجوه او بالملبن وعين الجمل ونرصه فى الصاجات ونبصمه بالبصامه بتاعه الكحك او تنقشيه بالمنقاش بعد كده ندخله الفرن فى الرف الوسطانى على نار وسط ونشغل الشوايه على الهادى جدا لمده 20دقيقه او اول ما يوصل الوش للون الذهبى الفاتح نخرجه من الفرن

للحشو

125 جرام عجوه مفرومه ناعم *معلقه صغيره سمنه

نعجنهم مع بعض كويس جدا ونكورهم كور صغيره

125 جرام ملبن *معلقه صغيره سمنه *2معلقه كبيره عين جمل مجروش خشن نعجنهم مع بعض كويس جدا ممكن تكوريه كور صغيره او تسبيه كده وتحشى بيه عادى