وهكتب إيه⁦

ومين تاني هاتنطق

صورتُه عَ الأوراق⁦

ومين هارسم عشانُه

الحُب والأشواق⁦

وهاكتب ليه⁦

إذا كان الحبيب عايش

ف وسط فُراق!

وإذا كانت ليالي الحُب

ف الأسواق!

فَ هاعشق ليه⁦

إذا كان الكلام عايم

ف بحر نفاق

وطعم الحُب لو أصبح

مرار حرّاق

ف هاشرب ليه⁦

إذا كانت مقابرنا ملاها الصدق والأخلاق

إذا عاشت معاني الشر

ف قلوبنا ودخلوا سِباق

هانكسب إيه⁦

ولو ماتت معاني النخوه وإندفنت مع الأذواق

ولو كانت مشاعرنا بتفرح بس عَ الأوراق

هانكتب ليه⁦

لاقيتني كتبت ..

ومش عارف كتبت

انا ليه⁦