وهذه بعض النقاط الهامة لأبناءنا في الثانوية العامة :-

– ليلة الإمتحان يجب عليكم النوم والراحة تنام ٦ ساعات أو ٧ ساعات .. لاتذهبوا إلي

الإمتحان بدون نوم وتكون مطبق من أمس غلط لانك لم تركز أنما النوم سيساعدك في

التركيز والحل .

– في أول يوم من الامتحانات عليكم الحضور مبكراََ نص ساعة لكي تعرفوا مكان لجان

الأمتحان.. لا تذهب علي الميعاد بالظبط لأنكم بذلك سوف تضيعوا علي أنفسكم نص

ساعة من وقت الإمتحان في التعرف علي مكان لجانكم و الجلوس فيه حتي تهدأوا .

-قبل الإمتحان أعزل نفسك وأجلس بعيداََ عن الأصحاب والزملاء ولا تسمع حاجة من

أصحابك سواء خير أو شر لكي تكون مركز تماماََ .

– أول حاجة تعملها داخل اللجنة تكتب بياناتك بخط واضح ( لأنك بعد ما بتخرج من اللجنة

الشيطان بيستلمك و يصورلك إنك لم تكتب بياناتك و ده للأسف يؤثر علي تركيزك في

المادة التالية ).

– لازم تكون لابس ساعة في إيدك جوه اللجنة و كمان أدواتك كاملة لأن الموبايلات

ممنوعة داخل اللجان وبالتالي لاتعرف منها الوقت لابد من الساعة في يدك .

-تعامل مع الأسئلة بكامل تركيزك و حاول تكون ثابت علي قدر الإمكان ومحافظ على

هدوءك حتي إذا رأيت أسئلة لاتعرفها مع الوقت سوف تتذكر وتحل .

– قراءة رأس السؤال .. قراءة رأس السؤال .. قراءة رأس السؤال .. مهم جداًااااااا لأنه

بيعرفك المطلوب بدقة وبذلك تبدأ الإجابة صح.

-وقت الإمتحان متظبط علي عدد الأسئلة وزيادة شوية لا تقلق من الوقت خااااالص

مثلما ذكرت في النقطة السابقة .

-لو جاء سؤال صعب ووجدت نفسك لاتستطيع أجابته أتركه و أنقل علي سؤال أخر وأرجع

له بعدين وضع عليه علامة أكس لكي لاتنسي .

-إذا لاحظت أثناء اللجنة إن المراقب يتكلم مع زميله أو زميلته في اللجنة و يشوش عليك

.. خليك جرئ وأطلب منهم و بكل أدب إنه يساعدكم بتوفير هدوء اللجنة.

– في اللجنة إذا لاحظت صوت ضوضاء شديد كتخبيط جاي من ورشة قدام المدرسة مثلا

.. أطلب من المراقب يحل الموضوع ده .. هما هيتصرفوا و يبعتوا عامل يستأذن من

صاحب الورشة بكل ذوق و علي فكرة بيستجيبوا .

-كن بارد أثناء الامتحان لاتجعل أي شيء يوترك ..إذا المراقب كل شوية يقول باقي كذا

دقيقة و وقت الإمتحان يخلص خليك بارد و بلاش تتوتر ..إذا حدث وكان في طالب في

لجنتك أتظبط بيغش و عمل مشكلة و حصلت ضوضاء و صوت عالي خليك بارد و ركز في

إجابتك و ورقتك و خليك فاكر إن مجهود سنة كاملة ممكن يضيع إذا لم تستطيع تمسك

أعصابك جوه اللجنة.

-داخل اللجنة لازم تكون مقاتل عنيد ولا تستسلم و تجاوب أي كلام بغرض إنك تخلص من

الإمتحان و تخرج من اللجنة و خلاص.

-داخل اللجنة لاتخرج دقيقة بدري عن الوقت المحدد أبداََ.. أستغل الوقت حتي أااخر ثانية

جاوب و راجع مرة و اتنين .

– بعد الخروج من اللجنة ممنوع ممنوع تراجع مع حد من زمايلك .. الذي حصل حصل و

الكلام فيما مضي و فات نقصان عقل .. تذهب إلى البيت و تجنب المشي في الشمس ..

و لا تفتح نت أو تراجع إجابتك منه ( و بعد آخر مادة في آخر يوم افتح نت و راجع مع

زمايلك ).

– طوال أيام الامتحانات حافظ جدا علي التزامك الديني لأنه بيمدك بالثبات والراحة

النفسية المطلوبين جدا أيام الامتحانات..

أي ذكر وإستغفار مش محتاج منك وضوء وطهارة.

نصيحة لكل أب وكل أم لطالب في الثانوية العامة

– ابنك اهم مليون مره من اي حاجه.

– ادعي له وطبطب عليه وفهمه انه مهم وان عمل اللي عليه وذاكر والتوفيق من عند ربنا

– عرفه أنه تعب وأجتهد وان النجاح انواع واشكال .

– عرفه أنه عمل اللى عليه وان حياته قدامه ان شاء الله في حجات كتيره ونجاحات كتيرة.