مقدم من الشيف ثروت

أولا الفراخ المشوية

الطريقة

هتبيلى الفرخة بملح وفلفل وبهارات فراخ وزعتر وزبادى وبصلة مبشورة وطمطماية مبشورة وعصير لمونة

ومعلقتين خل وتسبيها ليلة فى التلاجة وتانى يوم سخنر الفرن جدا وحطيها على الشبكة بتاع الفرن

وتحتها صنية فيها ماية سخنة لمدة ساعة او ساعة ونص حسب حجم الفرخة الأفضل تبات ليله في التتبيله ممكن

علي الشواية الكهربا او اللي علي عين البوتجاز ولماتستوي بخؤيها بفحمة

ثانيا

الفراخ الصينية:

هتقطعى الفرخة بعد ما تغسليها كويس جدا وتقطعى طماطم ووبصل كتير وكم فص ثوم قرنين فلفل وبهارات وملح

وفلفل اسود ومكعب مرق وزيت افركيهم مع بعد ورصى الفراخ وهاتى حبايتبن طماطم مع فصين توم وملح وفلفل

اضربيهم فالخلاط وانزلى بيهم فوق الفراخ وحطيها على عين البتوجاز وهى متغطية لمدة نص ساعة

وبعدين دخليها الفرن منغير غطا لمدة نص ساعة كمان هتحمر وبتكون جميلة

وممكن تحطي اي خضار تحبي معاها

ثالثا الفراخ المحشية :

~~~~~~~~~~~

هنحضر فرخة حجهما صغير تغسليها كويس وبعدين نحضر بصل مبشورة دبليها على النار مع كبد وقوانص وفلفل اسود شوحيهم وانزلى فوقهم بكوب رز مصرى مغسول شوحيهم وحطى العقد كوباياين ماية وغطى علية لما يستوى نص سوي وبعدين تحطى الفرخة لازم الرز يستوى وبعد ما تحشيها حطيها فى صنية تحتها بصل وكرفس وبطاطس وكوب ماية وغطىها بالفويل ودخليها الفرن متغطية لمدة ساعة وشيلى الفويل هتحمر وتستوى وتبقى جميلة احسن ما تسلقيها وتكون كلها طرية

رابعا الفراخ بالبصل:

♡♡♡♡♡♡♡♡

هنحضر فرخة تقطعيها قطع صغيرة وبعدذلك نشوحها في الزيت تاخد لون وبعدين نطلعها فى طبق وننزل فوق الزيت بثلاث بصلات شرايح مع ثمرتين فلفل اخضر وبهارات ندبلهم وبعدذلك نضع ملعقتين دقيق وكوب ماء وننزل الفراخ كمان ونغطيها وكل عشر دقايق نتبعها  لمدة نص ساعة وبعدذلك ما تستوى نضعها فى بيركس نتركها في الفرن تحت الشواية تأخذ لون

وبالف هنا