كوردن بلو
كوردن بلو
مقدمة من الشيف / سهام الحشاش
المقادير:
ربع كوب حليب
ربع كوب دقيق
ملعقتين نشا
بقسماط حار
بيضتين مع رشه ملح وفلفل اسود
صدور فراخ
ملعقه صغيره ثوم بودر
ملعقه صغيره بصل بودر
ملعقه صغيره فلفل اسود
ملعقه صغيره ملح
ملعقه صغيره بابريكا
ملعقه صغيره زنجبيل
الحشو:
شرائح جبنه شيدر
شرائح لانشون فراخ
الطريقه:
نخلط الفلفل الاسود مع الملح والثوم البودر والبصل البودر والبابريكاو الزنجبيل ونخلطهم مع بعض جيدا ونتبلهم مع الفراخ ونبدا ناخد شريحه من الفراخ ونفردها علي الاسترتش ونبدا نفرد شريحه لانشون علي الفراخ وشريحه جبنه شيدر ونلفها رول وندخلها الفريزر نصف ساعه ونبدا نخلط الحليب مع رشه الفلفل الأسود والملح ونقلبها كويس في طبق ونضع البقسماط الحار في طبق ونطلع الفراخ من الفريزر ونبدا نقلبها في الدقيق وبعدين البيض وبعدين البقسماط وبعدين الحليب وبعدين البقسماط ونبدا ندخلها الفريزر نصف ساعه وبعدين نضع طاسه علي البوتجاز بها كوب زيت كبير تسخن وبعدين ننزل بالفراخ في الطاسة ونحمرها علي نار هاديه ونحمرها لحد مادتاخد لون ذهبي وبعدين نخرجها ونتركها تبرد ونقطعها واتمني الوصفه تعجبكو