مقدم من الشيف نعمة علي

ولادك بيحبو الذالبية وكل ما تعمليها تطلع معاكي اشكال فضائية وكائنات غريبة

طب يالا بينا بخدعة بسيطة هنعملهم بديل الذالبية

وكل اللي هنحتاجه مقادير سهلة وبسيطة ومتوفرة في كل بيت

المقادير والطريقة :

اول حاجه معانا نص كوب لبن دافي،

معلقة كبيره خميره جافة،

و٢معلقة كبيرة سكر،

هننزل بالخميرة والسكر ع اللبن نختبر الخمير لحد ما نلقيها بدأت تطلع فقاعات

نبدا ننزل ببيضة بدرجة حرارة المطبخ

وكمان باكت فانيليا

ومعلقه كبيره خل

وده محسن طبيعي لاي نوع معجنات نقلبهم كويس

وبعدها ننزل ب٢ونص كوب دقيق نعجنهم كويس

وفي نص العجن ننزل ب٢معلقه ذبدة بدرجة حرارة المطبخ

ونكمل عجن لمده ماتقلش عن عشر دقايق

وبعدها نسيبها لحد ما تختمر كويس ونبدا نفرد فيها

ونقطعها باي اشكال عندنا ونرجع نسيبها ترتاح تاني لمده عشر دقايق

وعلي زيت سخن وغزير نبدأ نحمر فيها

وبعد ما نطعها لو عوزه تزينها بمعلقة قرفة علي معلقتين سكر ياسكر ماشي

او لو عوزين نخدع ولادنا ونخليهم يفكرو انها ذالبية

يبقي هنعمل الشيكولاته علي حمام بخار طبعا مع معلقتين زيت

ونبدا نزين فيها

وبألف هنا