قصيدة أنا يونان

انا عارف اني ضعيف

و ماليش اصلا اساس

كأني عايش كفيف

بخاف من افعال الناس

وفجاه و بدون مقاطعه

لاقيت جوايا احساس

ربنا شايفك و سامعك

وحده عنده الخلاص

لاقيت ف صفي انسان

تايه ملهوش مكان

سألته انت منين قالي

انا رساله من الديان

قولتله احكي لي الحكايه

وانا شايف ف عينه دموع

قالي انا من البداية

خلفت كلام يسوع

هتقولي ازاي ف النهايه

هقولك كبير موضوع

انا فجاه لاقيت ربنا

بيقول قوم قوام

في مدينه عظيمه هنا

شرها صعد قدام

تروح تنادي فيها

و ترجعهم ليا قوام

عشان ده مدينه عظيمه

يلا يا يونان سلام

و انا من خوفي جريت

وهربت من وجه الله

علي ترشيش اتخبيت

علي امل الاقي الحياه

لكن فجاه لاقيت

رياح اشد من الوباء

هزت المركب وانا نايم

و الناس بتصرخ من الوجع

قوووم اصرخ لالهك

لعلا ينقذنا يا جدع

وفجاه قولتلهم ده بسببي

ارموني و الرياح هتهدا

اصل انا انسان غبي

و وقت هروبي عدا

انا اللي هربت و ياريتني

و دلوقت انا ف شده

فجاه ف البحر رموني

و في الشده انا وقعت

لوحدي مشيوا و سابوني

بس حقيقي انا ندمت

بس استنى الحكايه مانتهتش

و مع ربنا القصه طويله

رغم اني ف بطن الحوت

لكن حقيقي فتره جميله

علمتني كتير حاجات

علمتني معني الصلاه

ان رغم كل الصعوبات

فيه تعزيات من السماء