مقدمه  م الشيف / احمد رجب الصعيدى

وصفة رقم ١٤ رمضان من وصفاتي الرمضانية

*المكونات....

نص كيلو لحم بتلوا مقطع مكعبات

نص كيلو بامية.

 2 كوب مرقة لحمة

2 حبة بصلة متوسطة مقطعة ناعم

1 كوب طماطم مضروبة فريش

2 ملعقة كبيرة زيت.

2 ملعقة كبيرة صلصة طماطم.

1 ربطة كزبرة خضرا مقطعة ناعم

1 ملعقة كبيرة زبدة.

2 ملعقة صغيرة ثوم مدقوق

ربع معلقة شطة وعلى حسب

ربع ملعقة بهارات مشكلة.

3 حبات حبهان.

ربع معلقة صغيرة ملح 

ربع معلقة صغيرة فلفل أسودناعم

***طريقة العمل

اول حاجة نسخن الفرن على درجة حرارة عالية

وبعد كدة نجيب طاجن ونضع فية كل المكونات

 والبهارات والزبدة مع اللحمة ونقلبهم كويس

 و بعد كدة نضيف المرقة والطماطم المضروبة

ونقلبهم و نغطيهم بقطعة سلفر فويل وبعد كدة ندخلهم الفرن

و فى اخر عشر دقائق من التسوية نرفع قطعة السلفر فويل

 من على وش الطاجن لتكملة التسوية .

مدة التحضير ١٥ دقيقة

مدة التسوية ٣٥ دقيقة

درجة حرارة تناول الوجبة ٧٥

والف هنا وصحة.

تحياتى.

الشيف احمد رجب الصعيدى