شيف / شوشو عرابي

المكونات :

٦ أكواب ماء + كوب سكر هنقلبهم على البارد الاول ونحطهم على النار

واول مايغلوا جدا هننزل بكوب سميد ونقلب

وننزل بكوبين دقيق بس حبة حبة والتقليب مستمر بسرعة لحد ما كل الدقيق يختفي

هنجيب قالب مبطن بزبدة ونصب الخليط ونساويه ونسيبه يبرد تماما

وبعد كده هندخلها فرن ١٨٠ درجة لمدة ساعة

واول ماتاخد لون هنطلعها ونسيبها تبرد ونقطعها مكعبات صغيرة

وفى طاسة على النار هنحط م ك سمنة وننزل المكعبات فيها

ونقلبها وتتقدم وبالهنا والشفا

ملحوظة ( ممكن بدل الماء يبقى حليب او نص حليب ونص ماء

وممكن إضافة لبن بودر بس الطريقة دى الوصفة الأصلية من الصانع نفسه )