كتبت / يوستينا عماد  

١٣ سنه يا ولدي 

مدوقتش فيهم الراحه 

سنين بتعدي وانا ف قهري 

ودمعة عيني جراحه 

ابوك مات وكان نفسه اوي يضمك 

لكن فارق وهو حزين شايل همك 

هقولك ايه يا نضري وكبدي ونور عيني 

بلاش عيني عشان مبقيتش اشوف بيها 

من كتر نواحي عليك بقيت احسس وامشيها 

لكن لسه في قلبي النبض وهستني تاخدني بحضن

اشمشم فيك كما القطه وهي ماسكه ف ولادها 

تعبت يارب وتعبي دا فاض وفاق الحد 

مأنش اوان اشوف ابني واهلل اقول:

          يحيا العدل