كتب / ايمن ناجي

عام ٢٠٢٢

خسرت ناس وكسبت ناس

ناس كنت بشيلها علي الراس طلعت متستاهلش تنضرب بالمداس

وناس مكنتش بعاملها طلعت تتشال علي الراس

وسنين وبتمر وكل مر هيمر

والعمر هيمر

ومش هيتبقي منا الا الذكر

سواء بالخير او بالشر

ولو في العمر بقيه خليها نقيه

وصفي النيه اصلها كده كده معديه

ايام وبتعدي

ولا يمكن تهدي

ومعاها العمر بيعدي

وكله بيعدي

اصل الدنيا فانية

ومش لحد باقية

بس الناس بتحسبها بالثانية

فاكراها ليها دايمه

اوعاك يا صاحبي تحسبها

ولا تفكر لحظه فيها

اصلك هتسيبها هتسيبها

بنهايتك او نهايتها

يا حبايبي واهلي وناسي

يا اخواتي واصدقائي وصحابي

انتم في الدنيا راسمالي

وبيكم رافع راسي

عام جديد عليكم سعيد

فيه الخير يزيد

بتنمالكم عمر مديد

وحب جديد

وراحة بال

وحال احسن من الحال

والصحه العال

والرزق الحلال