انكشف النقاب

بقلم / سهام رمزي 

يا حبيبتي انكشف النقابْ

وجهك ملاكْ

لكنه حامل لكل خداع الهلاكْ

يا قوه أحنيتِ الرقابْ

يا عروسه يا جميلة الثيابْ

فرحك لبسمه بتترسم لاقي العذابْ

قولي لشهيدك أيوه جسمك في الترابْ

بس روحك أحيتْ أمه لا تهابْ

يا قدس يا مصيدة الذئاب

نهشوا فيك و للحقوق متعودين الاغتصابْ

بنوا الخيال رسموا المحال زي ما قال الكتابْ

قلنا بناكم دا سراب و الله سرابْ

زاد الغضبْ

يا شعب للتوبه من السكوت طلبْ

و اديه تاب

نفسك حراره دوبت ثِقَلْ السكون

تيقنت من الظنون

أطرقت علي كل بابْ

افتح و يفتح طالب عقابْ

لكل خيانه قتلت أمانه

و دبحت حلمي فجأه غابْ

سمعونا ليهم ما طابْ

نيمونا اغتالونا

اعتبرونا كالذبابْ

يا أملهم ياللي خابْ

اضحك عليهم بالقوي

و قل لهم القدس عودها بيستوي

هاجوا و ماجوا فقدوا الصوابْ

الحق راجع مهما غابْ

هو آبْ

قولوا له قرب لك صحابْ

صبروا و انتظروا الثوابْ

و انكشف بيك الضبابْ

طلبنا الحياه و استجاب القدرْ

لكن الليل لم ينجلي لكن القيد لم ينكسر

قالوا لنا مصيركم العيش في الحفر

دا ذنب عليكم لم يُغتَفرَ

لا لا آتي المطر

آه يا وطن آه يا وطن

دعوتك ربي و هل تستجيبْ

عهدتكَ ربي خير مجيبْ

فقدتُ الحبيبْ

و راحت شمسي تنادي المغيبْ

يأستُ الدواءَ يأستُ الطبيبْ

سلامي أماني أجل النعمْ