المكشكشه

المكشكشة حلوة فى رمضان وأحلى فى العيد 

اول حاجة هنعمل طبقة الكريمة ( ٢ كوب حليب + فانيلا + ٣م ك نشا + ٢م ك كريم شانتيه + م ك سكر )

هنقلب كل المكونات ونرفعهم على النار لحد ما الخليط يبقى كريمى اطفى عليه

هنجيب قالب مربع ولفة جلاش نقسمها نصين النص الاول هناخد ورقة ورقة وندهن مابينهم زبدة

ولما نخلص كل النص الاول نضيف الكريمة وفوقها هناخد النص التانى ورقة ورقة ونعملهم على شكل مروحة كده

ونرصهم فوق الكريمة وندهن بزبدة وتدخل فرن ٢٠٠ درجة لمدة ٢٠ دقيقة

تطلع نسقيها سيرب تقيل بارد ورشة فسدق وتتقدم وبالهنا والشفا ⚘⚘💖