الكلب العطوف

كتبت / نهي حسن

وجدوا كلب قاعد كذا يوم بيبص فى فتحة مجارى في الشارع،

لفت الأنظار بس ماحدش إهتم فعلٱ غير واحدة ست بس، الست لما حطت للكلب أكل،

لقته بيرمى نصه فى البلاعة وبياكل نصه،

حاولت تشوف فى إيه ماخلاهاش تقرب،

لحد ما كسبت ثقته وسمحلها تقرب،

ألقت نظرة وشافت عيون وكائن بيتحرك.

الست كلمت المطافى إللى جت بعد نص ساعة،

والكلب برضه ماسمحلهمش يقربوا

فالست أخدته بعيد شوية عشان يعرفوا يشوفوا شغلهم، فتحوا البلاعة وطلعوا منها 5 قطط صغيرة،

بيخمنوا إنه غالبٱ المطر سحبهم لمجرى البلاعة،

ولولا الأكل إللى الكلب كان بيرميه لهم كان زمانهم ماتوا.

الست تركت الكلب اللى راح مباشرة يشم فى القطط ويبوسهم ويتأكد إنهم كويسين.

فسبحان الذى تكفل برزقهم .